A vyangya(funny, sarcastic poem), my teacher asked me to write for assembly in school days.

Multimedia

Multimedia ne kar diya kayal,

videos, songs, pics ne kar diya ghayal.

Par sabse bada prahaar to tab hua,

wireless internet se introduction jab hua.

Khushi ka koi thikana na raha tha,

papa ne jab naya phone dilane ko kaha tha.

Zindagi me aa gai thi khushion ki bahar,

jab mujhe chadha tha media ka bukhaar.

Mazak ki baat nahi dosto,

ye sirf meri zabani nahi hai,

ye to maine puri generation ki kahani kahi hai.

Yakeen na ho to pooch lo dosto se "kya haal hai",

"Bas yaar, net ni chal ra, bura haal hai".

Bhai saab, mobile computer ke bina to life asambhav ho chuki hai,

games aur gaano ke bina to har khushi kho chuki hai.

Vo din hota hai sabse lamba,

net pack khatam hota hai jis din yaar.

Sach me, bahaut bura hai ye media ka bukhaar.

TV hamara sabse pyara,

usse zayada kuch nahi pyaara.

Pade raho sara din le kar remote,

bijli ke bill me uda do saare note.

Par papa jab aate hain,

remote haath se le jaate hain(itna to sehen ho jaata hai)

par news jab lagate hain,

gaurantee le lo, sab bachhe kamre se bhaag jaate hain.

Aur jaate bhi to hain kaha,

mobile aur computer ka jaha raj hai,

Aaj kal yehi sabki geeta, aur yehi namaz hai.

haal hi me to ye sab aur bhi badha hai,

ye media ka bukhaar to sabko chadha hai.

Touch screen android lena to ab trend hai,

Sabke rate-shate aur features batane waale friend hain.

Papa ko keh ke 5000 waala,

phone dekhne jaate hain 8000 waala,

aur jab vo phone dila dala,

to life jhinga-lala.

Hame to lagta hai paise to aate hain free,

kya farak padta hai, chahe le lo Galaxy S 3.

Naya phone lete hi to lagta hai aise,

life me isse badi khushi mil nahi sakti jaise.

Aur vohi phone 15 din baad lagta hai kaise
jaake poocho uske baap se, jiske ude the paise.

Ye galti hai, jo mai baar baar karta hu,

insaan hokar, family se nai, media se pyaar karta hu.

See,

Mat maano ye,

mana kar lo baar baar

par hum sab jaante hain:

Hame chadha hai media ka bukhaaar.